Azərbaycan xalqının Ümummilli Lideri Heydər Əliyev müasir dövlətçilik tariximizin ən qüdrətli şəxsiyyətlərindən biri kimi hər zaman xalqın yaddaşında yaşayır. Onun müəyyən etdiyi inkişaf strategiyası, elmə, təhsilə və milli-mənəvi dəyərlərə verdiyi böyük önəm bu gün də Azərbaycanın tərəqqisinin əsasını təşkil edir. 10 May – Ulu Öndərin doğum günü münasibətilə ölkənin tanınmış ziyalıları, alimləri və ictimai xadimləri onun əziz xatirəsini böyük ehtiramla yad edir. Belə ziyalılardan biri də dünya elmi mühitində özünəməxsus yeri olan professor Yaşar İbadovdir.
Professor Yaşar İbadov uzun illərdir ki, tibb, psixologiya və insan sağlamlığı istiqamətində apardığı araşdırmalarla Azərbaycan elmini beynəlxalq arenada layiqincə təmsil edir. O, “Alternativ psixologiya” elmi metodologiyasının müəllifi kimi tanınır və bu istiqamətdə apardığı elmi tədqiqatlarla böyük nüfuz qazanıb. Müxtəlif beynəlxalq akademiyaların üzvü olan alim, elmi fəaliyyətini hər zaman insanlığa xidmət prinsipi üzərində qurmuşdur.
Ulu Öndər Heydər Əliyev daim bildirirdi ki, “xalqını sevən hər bir insan dövlətinə, millətinə faydalı olmalıdır”. Professor Yaşar İbadovun həyat yolu və fəaliyyəti də məhz bu ideologiyanın təcəssümüdür. O, Azərbaycan elminin inkişafına töhfə verməklə yanaşı, gənc nəslin maariflənməsi, sağlam düşüncəli cəmiyyətin formalaşması istiqamətində də mühüm işlər görür.
Heydər Əliyevin hakimiyyəti illərində elm və təhsilə göstərilən diqqət Azərbaycan ziyalılarının inkişafında mühüm rol oynadı. Bu siyasətin nəticəsi olaraq ölkəmizdə minlərlə alim yetişdi, elm adamlarının fəaliyyəti üçün geniş imkanlar yaradıldı. Professor Yaşar İbadov da həmin dövlət qayğısından ilham alan ziyalılardan biri kimi öz fəaliyyətini milli maraqlara xidmət üzərində qurub.
Alimin elmi araşdırmaları insan psixologiyasının dərin qatlarının öyrənilməsinə, psixoloji sağlamlığın qorunmasına və cəmiyyətin mənəvi inkişafına xidmət edir. Onun yaratdığı elmi yanaşmalar beynəlxalq səviyyədə maraqla qarşılanır və müxtəlif ölkələrdə tətbiq olunur. Bu uğurlar həm də Azərbaycan elminin nüfuzunun artmasının göstəricisidir.
Professor Yaşar İbadov dəfələrlə çıxışlarında bildirib ki, Azərbaycanın bugünkü gücü və sabitliyi Ulu Öndər Heydər Əliyevin müəyyən etdiyi siyasi kursun nəticəsidir. Onun fikrincə, milli birlik, vətənpərvərlik və elmə dəstək siyasəti ölkəmizin gələcəyinin əsas təminatıdır.
10 May münasibətilə Ulu Öndərin xatirəsini ehtiramla yad edən professor Yaşar İbadov qeyd edir ki, Heydər Əliyev irsi Azərbaycanın əbədi inkişaf yoludur. Bu yol elmə, biliyə, milli dəyərlərə və dövlətçilik ənənələrinə söykənən müqəddəs bir yoldur.
Bu gün Azərbaycan xalqı fəxr edir ki, Heydər Əliyev ideyaları yaşayır və onun müəyyən etdiyi inkişaf strategiyası Prezident İlham Əliyev tərəfindən uğurla davam etdirilir. Elm adamları, ziyalılar və vətənini sevən insanlar da bu siyasətin ətrafında sıx birləşərək Azərbaycanın daha qüdrətli gələcəyi naminə fəaliyyət göstərirlər.
Ulu Öndər Heydər Əliyevin əziz xatirəsi daim qəlblərdə yaşayacaq, onun dövlətçilik məktəbi isə gələcək nəsillər üçün əbədi örnək olacaqdır.
Azmedia.Az xəbər verir ki, 3 may 2026-c; il tarixdə Oksford Birləşmiş Akademiyasının akademiki və “Alternativ Psixologiya” Departamentinin rəhbəri,”Alternativ psixologiya” elminin müəllifi, Tibbi-biologiya elmləri doktoru, professor, Beynəlxalq Ekoenergetika Akademiyasının Vitse-prezidenti,”Tibbi biologiya və Ekologiya departamentinin direktoru,”Tibb və Təhsilin Birgə İnteqrasiyası” layihəsinin Spikeri İbadov Yaşar Saday oğlunun Ümummilli lider Heydər Əliyevin anadan olmasının 103-cü il dönümünə ithaf etdiyi “Xalqın İnamı, ümidi və xilaskarı” kitabının Ulkər Psixologiya Departamenti təşkilatçılığı ilə Litera kitab evində təqdimatı keçrilmişdir.
Kaynak: https://yeniera.az/professor-yasar-ibadov-ulu-onder-heyder-eliyev-irsine-sedaqetin-ve-elmin-vehdeti/
Author: Haber Euro Türk
Haber Euro Türk, Avrupa’daki Türk topluluklarına ve dünya gündemine dair güvenilir, tarafsız ve güncel haberler sunan dijital haber platformudur.
Haber Euro Türk sitesinden daha fazla şey keşfedin
Subscribe to get the latest posts sent to your email.